Duke i thënë lamtumirë maturës së vitit 2020

Ndërsa viti shkollor po mbaron, duhet t’i themi lamtumirë maturës së vitit 2020, ose siç  po i thërrasin disa, “Matura e COVID-19”. COVID-19 ka qenë i dëmshëm për njerëzit e të gjitha moshave, por maturantët i ka goditur më shumë se pjesa tjetër. Për shumë maturantë, kjo ishte menduar të ishte një kohë feste pasi po iu vjen fundi ditëve të shkollës. Do të ishte një kohë për të festuar për të gjithë mundin dhe përkushtimin që ata kishin vendosur për 12 vjet. Ishte menduar të ishte një kohë që klasa më në fund të merrte kënaqësinë që vjen nga diplomimi. COVID-19 ka pasur një ndikim të madh në klasat e maturës në të gjithë vendin në mënyra të ndryshme. Udhëtimet, festat dhe aktivitete të tjera argëtuese janë anuluar të gjitha për shkak të virusit që ka prekur kaq shumë. Maturantë, shpresa dhe dëshira jonë për ju është që t’ju jepen dekadë mbas dekade arritje dhe suksese në vitet e tjera te arsimimit tuaj si dhe në vendet e punës që do të zgjidhni sipas dëshirës suaj Ju urojmë të kërkoni dhe të gjeni çdo mundësi për ta bërë botën një vend shumë më të mirë, dhe ta bëni veten dhe të tjerët njerëz shumë më të mire. Ju urojmë të doni dhe vlerësoni prindërit tuaj, vëllezërit dhe motrat tuaja, të afërmit tuaj qofshin ato të afërt apo edhe të largët Ju urojmë të ushqeni dashuri për të gjithë ata që morën pjesë në rritjen tuaj arsimore dhe sociale, dhe mbase edhe një ditë të vendosni të bëni të njëjtën gjë. Urimet me të mira për ju maturantët tanë! Ju sot po  i shtoheni familjes së madhe të ish maturantëve tanë sukseset e të cilëve po i dëgjojmë në mbarë botën.

[learn_press_profile]