IFLC- International Festival of Languages & Culture

Institucionet Arsimore jopublike “Turgut Ozal” në bashkëpunim me IFLC, e cila prej 18 vitesh organizon konkurse dhe shfaqje skenike të ndryshme në  shumë qytete të botës organizojnë konkursin e këngës “Colors of Voices 2021” Këto institucione në këtë periudhë të vështirë ku bota është nën kërcënimin e “COVID-19” kërkojnë që tu japin të fëmijëve një mundësi jo vetëm për të shfaqur talentet, por njëkohësisht edhe për të rritur vetëbesimin e tyre, duke bërë bashkë ngjyra dhe kultura të ndryshme.

IFLC synon të bëjë bashkë fëmijët e talentuar nga e gjithë bota dhe audiencën duke vënë në dispozicion për këtë konkurs skenat digjitale dhe platforma të ndryshme në Zelandën e Re dhe në Kanada.

• Pjesëmarrja është pa pagesë
• Gjithë pjesëmarrësve do tu jepet certifikatë pjesëmarrjeje.
• Konkurentët duhet të jenë të moshës 12-16 vjeç.
• Faza e parë do të zhvillohet Online. Konkurentët do të dërgojnë një videoregjistrim të këngës me të cilën ata duan të konkurojnë.
• Faza e dytë do të zhvillohet me prezencën personale të konurentëve të kualifikuar nga faza e parë. (Në bazë të rekomandimeve të eksperteve për mbrojtjen nga Covid-19 mund të ketë edhe ndryshime.
• I gjithë eventi do të organizohet sipas urdhërave, udhëzimeve dhe protokolleve të Ministrive përkatëse për mbrojtjen dhe parandalimin e pandemisë COVID-19.

1. PËRZGJEDHJA E KËNGËS & REGJISTRIMI I VIDEOS

• Kënga duhet të jetë qytetare ose folklorike Shqiptare në të kundërt do të skualifikohet.
• Konkurenti duhet të regjistrojë një video të vetes së tij duke kënduar mbi bazën muzikore të këngës së përzgjedhur prej tij.
• Video mund të regjistrohet me telefon ose me një kamer. Video duhet të jetë joprofesionale. Nëse ka ndërhyje profesionale mbi videon ose mbi zërin e konkurentit atëhere ai skualifikohet.
• Videoja të mos jetë më e gjatë se 3 minuta.
• Videoregjistrimi i konkurentit duhet të jetë horizontalisht me paraqitje të plotë konkurentit.
• Secili konkurent mund të marrë pjesë vetëm me një video.
• Videoregjistrimi të dorëzohet në formatin mp4 dhe të emërtohet Emër_Mbiemër_TitulliiKëngës.mp4
• Veshja e konkurentit në videoregjistrim duhet të jetë brenda rregullave të etikës.

2. REGJISTRIMI DHE DORËZIMI

• Regjistrimi duhet të bëhet ONLINE në faqen web http://turgutozal.edu.al/iflc/
• Konkurentët që plotësojnë formularin e pjesëmarrjes në http://turgutozal.edu.al/iflc/ duhet të kenë të gjitha autorizimet nga prindi / kujdestari ligjor.
• Regjistrimet mbarojnë me datë 5 Mars 2021.

.

3. PËRZGJEDHJA

• 20 konkurentët më të mirë që do të vazhdojnë konkurimin do të shpallen më 12 Mars 2021 në faqen web http://turgutozal.edu.al/iflc/ si dhe do të njoftohen me anë të e-mailit të prindit / kujdestarit ligjor të tyre.
• Konkurentët që arrijnë të jenë pjesë e 20 më të mirëve do të konkurojnë fizikisht më datë 20 Mars 2021 në ambjentet e Shkollës 9-vjeçare jopublike “Turgut Ozal” ish qyteti i nxënësve Tiranë.
• Baza muzikore duhet të dërgohet me email në adresën iflc@turgutozal.edu.al më datë 18 Mars 2021
• Konkursi do të organizohet duke ju përmbajtur rregullave të COVID 19, me distancim social dhe pa audiencë.
• Nëse konkurenti do të shoqërohet nga prindërit ose prindi kujdestar duhet të kenë me vete një mjet identifikimi.
• Konkursi që do të organizohet më datë 20 Mars 2021 mund të ketë edhe ndryshime në bazë të situatës së COVID-19.
• 20 konkurentët e kësaj faze do të filmohen gjatë performimit të tyre dhe videoja fituese do të përfaqësojë Shqipërinë në rang ndërkombëtar.
• Në finalen e madhe do të marrin pjesë vetëm 12 shtete më të mira nga e gjithë bota.

4. FITUESIT DHE ÇMIMET

• Një juri profesioniste e përbërë nga njerëz të fushës, do të jetë përgjegjëse për caktimin e fituesve për këngën më të mirë.
• Fituesi i vendit të parë do të përfaqësojë Shqipërinë në konkursion ndërkombëtar që do të organizojë IFLC.
• Çmimet do të jenë si mëposhtë.
• Në rang Kombëtar

Vendi i parë                                  20 000 lekë

Vendi i dytë                                  15 000 lekë

Vendi i tretë                                  10 000 lekë

Çertifikatë pjesëmarrjeje.

• Në rang Ndërkombëtar

Vendi i parë                                  1000 $

Vendi i dytë                                  750 $

Vendi i tretë                                  500 $

Çertifikatë pjesëmarrjeje në fazën finale